മതിയായി.. ഒരു കളിക്കാരനെക്കൊണ്ട് കേള്‍ക്കാവുന്നതിനപ്പുറം നീ കേള്‍പ്പിച്ചു കഴിഞ്ഞു. അന്താരാഷ്ട്ര ക്രിക്കറ്റില്‍ നീ സാന്നിദ്ധ്യം അറിയിച്ചപ്പോള്‍ മറ്റൊരു കായികതാരത്തിനും ലഭിക്കാത്ത സ്നേഹവും അംഗീകാരവും തന്നവരാണ് ഞങ്ങള്‍ . ഇവിടുത്തെ മാധ്യമങ്ങള്‍ നിന്നെ വാനോളം വാഴ്ത്തി. കളിക്കളത്തിലെ മോശം പെരുമാറ്റം ഞങ്ങള്‍ കണ്ടില്ലെന്ന് നടിച്ചു. ടീമിലെ സീനിയര്‍ താരങ്ങള്‍ പോലും കാണിക്കാത്ത അഹന്തയും ധിക്കാരവും നീ കാണിച്ചപ്പോഴും നിന്നെ ഞങ്ങള്‍ വെറുത്തില്ല. ഐ പി എല്ലില്‍ തല്ലു വാങ്ങിക്കൂട്ടിയപ്പോള്‍ നിന്റെ കയ്യിലിരിപ്പു കൊണ്ടാണെന്നറിഞ്ഞിട്ടും നിനക്കു വേണ്ടി ഞങ്ങള്‍ വാദിച്ചു. കളിക്കളത്തില്‍ പാലിക്കേണ്ട എല്ലാ മര്യാദകളും നീ ലംഘിച്ചപ്പോഴും, നിനക്കു വേണ്ടി ഈ മലയാളികള്‍ കൂടെ ഉണ്ടായിരുന്നു. നിന്നോടുള്ള സ്നേഹം കൊണ്ട്.. നിന്റെ ക്രിക്കറ്റിനോടുള്ള സ്നേഹം കൊണ്ട്.
നീ ഒന്നും അര്‍ഹിക്കുന്നില്ല. ബി സി സി ഐ പോലും അര്‍ഹതയില്‍ കവിഞ്ഞ് നിനക്ക് അവസരം തന്നെന്ന് ഞങ്ങള്‍ കരുതുന്നു. അവരുടെ അവസാന ശാസന നില നില്‍ക്കുമ്പോഴും നീ എന്താണ് കാണിക്കുന്നത്? നിന്റെ വളര്‍ച്ചയ്ക്ക് നിദാനമായ കേരള ക്രിക്കറ്റ് അസോസിയേഷനെ തന്നെ നീ തിരിഞ്ഞു കൊത്തിയില്ലേ? ഇത്ര ചെറു പ്രായത്തില്‍ തന്നെ നിന്നെ ക്യാപ്റ്റന്റെ ചുമതല ഏല്‍പ്പിച്ചപ്പോള്‍ അവര്‍ നിന്നിലര്‍പ്പിച്ചിരിക്കുന്ന വിശ്വാസം നീ കണക്കിലെടുത്തോ? തെമ്മാടിത്തരമാണ് ശ്രീ.. ഒരു ടീമിന്റെ, ഒരു സംസ്ഥാനത്തിലെ മൊത്തം ക്രിക്കറ്റ് പ്രേമികളുടെയും ആത്മവിശ്വാസമാണ് നീ ചോര്‍ത്തിക്കളയുന്നത്.. ഒരു ക്യാമ്പില്‍ എല്ലാവരെയും നയിക്കേണ്ട നീ കോളേജു്കളില്‍ ആടിപ്പാടി, കല്യാണങ്ങളില്‍ പങ്കെടുത്തു നടക്കുന്നു. കൊള്ളാം! ഉണ്ട ചോറിനു നന്ദി എന്നൊരു സാധനമുണ്ട്. കേട്ടിട്ടുണ്ടോ ആവോ?
നിന്നില്‍ ഇനിയൊരു പ്രതീക്ഷയും അര്‍പ്പിക്കുന്നില്ല. നിനക്കതിനുള്ള അര്‍ഹതയില്ല. നിന്നെ ഞങ്ങള്‍ വെറുക്കുന്നു..
Friday 23 October 2009
Subscribe to:
Posts (Atom)
