രാവിലെ വായിച്ചു കുറേ ചിരിച്ചു. അപ്പോ പിന്നെ നിങ്ങളുമായി പങ്കു വെക്കാം എന്നു കരുതി. ചന്ദ്രയാന്‍ വെള്ളം കണ്ടെത്തും എന്നു മുന്‍‌‌കൂട്ടി കണ്ടതു കൊണ്ടാണത്രെ ഒ എന്‍ വി “അമ്പിളിയമ്മാവാ” എഴുതിയത്. എന്നാലും എന്റെ മന്ത്രീ.. താങ്കള്‍ സീരിയസ് ആയി പറഞ്ഞതു തന്നെയാണോ? ഒ എന്‍ വി പോലും ഞെട്ടിക്കാണും! (ദിലീപ് സ്റ്റൈലില്‍ “എപ്പ?” എന്നു ചോദിച്ചു കാണും!) ഈ റെയ്ഞ്ച് ഗുണ്ടുകള്‍ ഇനിയും എടുക്കാനുണ്ടോ? :) ഇതു ചില മത ശാസ്ത്രജ്ഞന്മാര്‍ അവരുടെ കിത്താബിലെ ശാസ്ത്ര സത്യങ്ങള്‍ വിവരിക്കുന്ന പോലെയായിപ്പോയി!
ഏതായാലും ബാക്കി പോയിന്റ്സ് ഒക്കെ സമ്മതിച്ചു ട്ടോ.. ഇളയ രാജേട്ടാ.. താങ്കളെ ഒരു മൂത്ത രാജേട്ടനായിട്ടാണ് ഞങ്ങള്‍ കണ്ടത്. ഒ എന്‍ വി സാറിനെ അത്രക്ക് അങ്ങ് പബ്ലിക്കായിട്ട് കൊച്ചാക്കേണ്ടായിരുന്നു. വരികള്‍ മാറ്റണമായിരുന്നെങ്കില്‍ റെക്കോര്‍ഡിംഗ് സമയത്തു തന്നെ പറഞ്ഞൂടായിരുന്നോ? ഒരു ടീം വര്‍ക്ക് ഒക്കെ വേണ്ടേ!
